હેડલાઈન :
- વૈશ્વિક સ્તરે શક્તિશાળી દેશોમાં ભારત અગ્રસર
- શક્તિશાળી દેશોની યાદીમાં ભારતની આગેકૂચ
- વિશ્વના 10 સૌથી શક્તિશાળી દેશોમાં ભારત ચોથી સ્થાને
- ભારતનું પડોશી પાકિસ્તાન ટોપ ટેનમાંથી બહાર ફેંકોયુ
- ગ્લોબલ ફાયરપાવર GFP રિપોર્ટ 2025 નું રેન્કિંગ જાહેર
- રેન્કિંગમાં દેશોને પાવર ઇન્ડેક્સ સ્કોરના આધારે વર્ગીકૃત કરાયા
- રેન્કીંગમાં જેટલો ઓછો સ્કોર તેટલો જ દેશ શક્તિશાળી દેશ ગણાય
- રેન્કિંગમાં અમેરિકા પ્રથમ,બીજા નંબરે રશિયા,ત્રીજો દેશ ચીન
- ભારતનું 10 દેશોની યાદીમાં ચોથો નંબર,પાકિસ્તાન 12 મા નંબરે
આજે જ્યારે વિશ્વના દરેક ખૂણામાં સંઘર્ષ તણાવ અને લશ્કરી મુકાબલાની પરિસ્થિતિ છે ત્યારે દરેક દેશ પોતાની લશ્કરી તાકાત વધારવામાં વ્યસ્ત છે.ગ્લોબલ ફાયરપાવર GFP રિપોર્ટ 2025 અનુસાર લશ્કરી દૃષ્ટિકોણથી વિશ્વમાં સૌથી પ્રભાવશાળી ગણાતા દેશોની યાદી બહાર પાડવામાં આવી છે.આ રેન્કિંગમાં દેશોને પાવર ઇન્ડેક્સ સ્કોરના આધારે વર્ગીકૃત કરવામાં આવ્યા છે; જેટલો ઓછો સ્કોર,તેટલો જ દેશ શક્તિશાળી માનવામાં આવે છે.
– ટોચના 10 સૌથી શક્તિશાળી દેશો અને તેમની લશ્કરી શક્તિ
1. અમેરિકા – પાવર ઇન્ડેક્સ: 0.0744
અમેરિકામાં કુલ લશ્કરી કર્મચારીઓની સંખ્યા 21 લાખ 27 હજાર 500 છે.તેની પાસે 13,043 વિમાન છે,જ્યારે તેની પાસે 4,640 ટેન્ક પણ છે.અમેરિકા સૌથી મોટી વાયુસેના અને વૈશ્વિક લશ્કરી થાણાઓ ધરાવતો દેશ છે.
2. રશિયા – પાવર ઇન્ડેક્સ: 0.0788
હાલમાં,યુક્રેન સાથેના યુદ્ધમાં સામેલ રશિયા પાસે કુલ 35 લાખ 70 હજાર લશ્કરી કર્મચારીઓ છે.તેની પાસે 4,292 વિમાન છે,જ્યારે 5,750 ટેન્ક પણ છે. રશિયાની ખાસિયત એ છે કે તેની પાસે સૌથી મોટી ટેન્ક ફોર્સ અને પરમાણુ શક્તિ છે.
3. ચીન – પાવર ઇન્ડેક્સ: 0.0788
અમેરિકા સાથે વેપાર યુદ્ધમાં ફસાયેલા ચીન પાસે વિશ્વની ત્રીજી સૌથી મોટી સેના છે.ચીન પાસે કુલ 31 લાખ 70 હજાર લશ્કરી કર્મચારીઓ છે.તેની પાસે 3,309 વિમાન છે,જ્યારે 6,800 ટેન્ક પણ હાજર છે.ચીન હાલમાં ઝડપથી ઉભરતી લશ્કરી-તકનીકી શક્તિ છે.
4. ભારત – પાવર ઇન્ડેક્સ : 0.1184
ભારત વિશ્વની સૌથી ઝડપથી વિકસતી અર્થવ્યવસ્થા છે.આ કારણે તેની લશ્કરી તાકાત પણ ખૂબ જ મજબૂત છે. ભારતમાં કુલ લશ્કરી કર્મચારીઓની સંખ્યા 51 લાખ 37 હજાર છે. તેની પાસે 2229 વિમાન છે,જ્યારે 4201 ટેન્ક પણ છે.
5. દક્ષિણ કોરિયા – પાવર ઇન્ડેક્સ: 0.1656
ઉત્તર કોરિયા અને ચીન સાથે ચાલી રહેલા તણાવ વચ્ચે,દક્ષિણ કોરિયાએ વિશ્વના સૌથી શક્તિશાળી દેશોની યાદીમાં 5મું સ્થાન મેળવ્યું છે.તેની કુલ લશ્કરી કર્મચારીઓની સંખ્યા 38 લાખ 20 હજાર છે.દક્ષિણ કોરિયા પાસે 1,592 વિમાન છે,જ્યારે તેની પાસે 2,236 ટેન્ક પણ છે.તે ઉત્તર કોરિયા સાથેની સરહદ પર તેના મોટાભાગના સૈનિકોને તૈયાર રાખે છે.
6. યુનાઇટેડ કિંગડમ – પાવર ઇન્ડેક્સ: 0.1785
યુનાઇટેડ કિંગડમમાં કુલ લશ્કરી કર્મચારીઓની સંખ્યા 11 લાખ 8 હજાર છે.તેની પાસે ફક્ત 631 વિમાન અને ફક્ત 227 ટેન્ક છે. જોકે,તેની ખાસિયત એ છે કે તેમાં નવીનતમ ટેકનોલોજી છે.
7. ફ્રાન્સ – પાવર ઇન્ડેક્સ: 0.1878
યુરોપિયન દેશ ફ્રાન્સમાં કુલ 3 લાખ 76 હજાર લશ્કરી કર્મચારીઓ છે.તેની પાસે ફક્ત 976 વિમાન છે,જ્યારે ફક્ત 215 ટેન્ક છે.જોકે,તેની ખાસિયત એ છે કે તેનો યુરોપમાં મજબૂત લશ્કરી પ્રભાવ છે.
8. જાપાન – પાવર ઇન્ડેક્સ: 0.1839
એશિયાના સૌથી વિકસિત દેશોમાંના એક જાપાનમાં કુલ 3 લાખ 28 હજાર 150 લશ્કરી કર્મચારીઓ છે.તેની પાસે 1,443 વિમાન છે,જ્યારે તેની પાસે 521 ટેન્ક છે.
9. તુર્કી – પાવર ઇન્ડેક્સ: 0.1902
તુર્કીમાં કુલ લશ્કરી કર્મચારીઓની સંખ્યા 8 લાખ 83 હજાર છે.તેની પાસે 1083 વિમાન છે, જ્યારે તેની પાસે 2238 ટેન્ક છે.તેની ખાસિયત એ છે કે આ દેશ મધ્ય પૂર્વ અને યુરોપ વચ્ચે મજબૂત લશ્કરી શક્તિ ધરાવે છે.
10. ઇટાલી – પાવર ઇન્ડેક્સ: 0.2164
નાટો સહયોગીઓમાંના એક ઇટાલી પાસે કુલ 2 લાખ 80 હજાર લશ્કરી કર્મચારીઓ છે.તેની પાસે 729 વિમાન છે, જ્યારે તેની પાસે 200 ટેન્ક છે.
ભારતનો પાડોશી દેશ પાકિસ્તાન ટોપ 10 યાદીમાંથી બહાર થઈ ગયો છે.ગ્લોબલ ફાયરપાવર GFP રિપોર્ટ 2025 મુજબ પાકિસ્તાન 12મા ક્રમે છે.તેનો પાવર ઇન્ડેક્સ સ્કોર 0.2513 છે.પાકિસ્તાન સાથે કુલ લશ્કરી જવાનોની સંખ્યા 17 લાખ 4 હજાર છે.
