હેડલાઈન :
- અમેરિકાના રાષ્ટ્રપતિ ડોનાલ્ડ ટ્રમ્પની ટેરિફ નીતિ
- ફેડ રિઝર્વની ફુગાવો-બેરોજગારીમાં વધારો થવા એંધાણ
- યુએસ ફેડરલ રિઝર્વના ચેરમેન જેરોમ પોવેલની ચેતવણી
- શિકાગો ઇકોનોમિક ક્લબ ખાતે કાર્યક્રમમાં પોવેલની ચેતવણી
- ડોનાલ્ડ ટ્રમ્પની ટેરિફ નીતિ ફુગાવા તરફ દોરી શકે : પોવેલ
- ટ્રમ્પના ટેરિફનું સ્તર અપેક્ષા કરતા ઘણું વધારે : પોવેલ
યુએસ ફેડરલ રિઝર્વના ચેરમેન જેરોમ પોવેલ કહે છે કે રાષ્ટ્રપતિ ડોનાલ્ડ ટ્રમ્પની ટેરિફ નીતિ ફુગાવા તરફ દોરી શકે છે અને વૃદ્ધિ ધીમી કરી શકે છે.શિકાગોના ઇકોનોમિક ક્લબ ખાતે એક કાર્યક્રમમાં બોલતા પોવેલે કહ્યું કે ફેડનું ધ્યાન એ સુનિશ્ચિત કરવા પર છે કે ટ્રમ્પની નીતિઓ ફુગાવાને ચોક્કસ મર્યાદા સુધી રાખે અને લાંબા સમય સુધી ન ચાલે.
– ટ્રમ્પના ટેરિફ અપેક્ષા કરતા વધારે: પોવેલ
ટ્રમ્પના સતત ટેરિફ વધારાની અસર અંગે પોવેલે કડક ચેતવણી આપી હતી.તેમણે કહ્યું,”અત્યાર સુધી જાહેર કરાયેલું ટેરિફનું સ્તર અપેક્ષા કરતા ઘણું વધારે છે.આના કારણે ફુગાવો વધી શકે છે,આર્થિક વિકાસ ધીમો પડી શકે છે અને બેરોજગારી ઊભી થઈ શકે છે.આ એક એવો પડકાર છે જેનો સામનો ફેડરલ રિઝર્વ અડધી સદીમાં કરી શક્યું નથી.
“તેમનું કહેવું છે કે વધતા જતા ફુગાવાથી શ્રમ બજાર પર દબાણ વધશે.ટ્રમ્પની નીતિઓની અર્થતંત્ર પરની અસરને સમજવા માટે અન્ય ફેડ નીતિ નિર્માતાઓએ પણ વ્યાજ દર સ્થિર રાખવાનું સમર્થન કર્યું છે.તેમણે કહ્યું કે ધીમી પડી રહેલી અર્થવ્યવસ્થાને કારણે બેરોજગારી વધવાની પણ શક્યતા છે.એવી પૂરી શક્યતા છે કે આનાથી ફુગાવો વધશે,જેનો બોજ જનતાએ ટેરિફ બોજના રૂપમાં સહન કરવો પડશે.
– પોવેલના નિવેદનની શેરબજાર પર અસર
પોવેલના આ નિવેદનની અસર ગઈકાલે અમેરિકન શેરબજારમાં જોવા મળી.S&P500 ઇન્ડેક્સ 0.17 ટકા ઘટીને 5,396.63 પર બંધ થયો.જ્યારે નાસ્ડેક 0.05 ટકા ઘટીને 16,823.17 પર બંધ થયો.ડાઉ જોન્સ પણ 0.38 ટકાના ઘટાડા સાથે 40,368.96 પર બંધ થયો.ફિલાડેલ્ફિયા સેમિકન્ડક્ટર ઇન્ડેક્સમાં પણ લગભગ 7 ટકાનો ઘટાડો નોંધાયો છે. આ સમયગાળા દરમિયાન,Nvidiaના શેરમાં 10 ટકાનો અને ટેકનોલોજીના શેરમાં 5 ટકાથી વધુનો ઘટાડો થયો હતો.
