હેડલાઈન :
- પ્રયાગરાજ મહાકુંભ 2025 બન્યો આંતરરાષ્ટ્રીય મહાઉત્સવ
- દેશ ઉપરાંત વિદેશથી પણ લોકો પવિત્ર સ્નાન માટે ઉમટ્યા
- મહાકુંભ 2025માં 66 કરોડથી વધુ શ્રદ્ધાળુઓએ કર્યુ સ્નાન
- રાજકીય,ફિલ્મ જગત અને ઉદ્યોગપતિઓએ મહાકુંભમાં કર્યુ સ્નાન
- અખાડા,નાગા સાધુ સહિત સાધુ-સંતોએ અમૃત સ્નાન કર્યા હતા
- ભાજપ અને NDA ના નેતાઓએ સંગમમા પવિત્ર ડૂબકા લગાવી
- INDIA ગઠબંધનના નેતાઓ મહાકુંભમાં સ્નાન માટે આવ્યા નહી
- વિપક્ષી ગઠબંધનના નેતાઓએ આયોજન પર ઉઠાવ્યા સવાલ
- મમતા બેનર્જી,લાલુ યાદવ,મલ્લિકાર્જુન ખડગેએ સવાલ ઉઠાવ્યા
- રાહુલ ગાંધી,સોનિયા ગાંધી વગેરે મહાકુંભમાં સ્નાન માટે ન આવ્યા
- સપાના રાષ્ટ્રીય અધ્યક્ષ અખિલેશ યાદવે પ્રયાગરાજમાં પવિત્ર સ્નાન કર્યું
ઉત્તર પ્રદેશના પ્રયાગરાજમાં આયોજિત મહાકુંભમાં 66 કરોડથી વધુ લોકોએ આસ્થાની ડૂબકી લગાવી,દેશ -વિદેશથી લોકો આવ્યા અને 144 વર્ષમાં એક વાર આવનાર આ ઔતિહાસીક મહાકુંભના તેઓ સાક્ષી બન્યા.
ભારતના તમામ રાજ્યોના લોકોએ તેમાં ઉત્સાહપૂર્વક ભાગ લીધો,ત્યારે ભાજપના તમામ દિગ્ગજ નેતાઓએ કુંભમાં ડૂબકી લગાવ ,જ્યારે INDIA ગઠબંધન ના નેતાઓ જેવા કે રાહુલ ગાંધી,સોનિયા ગાંધી,તેની સાથે કલક્તાના સીએમ મમતા બેનર્જી લાલુપ્રસાદ યાદવ જેઓ આ પવિત્ર સંગમમાં આસ્થાની ડૂબકી લગાવા તો ન આવ્યા.ન આવ્યા તે તો ઠીક પરંતુ યાગરાજ અને નવી દિલ્હી રેલ્વે સ્ટેશન પર થયેલી ભાગદોડ પર આ બધા નેતાઓ એક થયા અને તેમણે મોદી સરકાર અને ઉત્તર પ્રદેશની યોગી આદિત્યનાથ સરકાર પર જોરદાર પ્રહારો કર્યા હતા.
પશ્ચિમ બંગાળના મુખ્યમંત્રી મમતા બેનર્જીએ તો મહાકુંભને ‘મૃત્યુકુંભ’ પણ કહ્યો તો.આવી સ્થિતિમાં,પ્રશ્ન એ ઊભો થાય છે કે શું વિપક્ષી નેતાઓએ મહાકુંભમાં ન જઈને સેલ્ફ ગોલ સેટ કર્યો છે ? શું આનાથી તેમને ભવિષ્યમાં કોઈ મોટું રાજકીય નુકસાન થશે? એ તો આવનારો સમય જ બતાવશે .
પ્રયાગરાજમાં આયોજિત મહાકુંભમાં 66 કરોડથી વધુ લોકોએ ડૂબકી લગાવી.ભારતના તમામ રાજ્યોના લોકોએ તેમાં ઉત્સાહપૂર્વક ભાગ લીધો હતો.કેન્દ્ર અને ઉત્તર પ્રદેશમાં ભાજપ સરકારનું નેતૃત્વ કરી રહ્યું હોવાથી, પાર્ટીના તમામ મોટા નેતાઓએ કુંભમાં ડૂબકી લગાવવાની તક ગુમાવી નહીં. આવા નેતાઓમાં વડાપ્રધાન નરેન્દ્ર મોદી, ઉત્તર પ્રદેશના મુખ્યમંત્રી યોગી આદિત્યનાથ,કેન્દ્રીય ગૃહ પ્રધાન અમિત શાહ,સંરક્ષણ પ્રધાન રાજનાથ સિંહ, ભાજપના રાષ્ટ્રીય અધ્યક્ષ જે.પી.નડ્ડા,ભાજપ શાસિત રાજ્યોના તમામ મુખ્યમંત્રીઓ અને પાર્ટીના ઘણા મોટા નેતાઓનો સમાવેશ થતો હતો.બધાએ મહાકુંભ માટે કરવામાં આવેલી વ્યવસ્થા માટે યોગી સરકારને અભિનંદન આપ્યા.
મહાકુંભના આયોજન દરમિયાન આ પ્રશ્ન ઉઠાવવામાં આવ્યો હતો કે વિપક્ષી નેતાઓ હિન્દુઓના આ સૌથી મોટા મેળાવડામાં કેમ જોડાતા નથી? પરંતુ વિપક્ષના મોટા નેતાઓએ અંત સુધી મહાકુંભથી અંતર જાળવી રાખ્યું. એવું પણ કહેવામાં આવ્યું હતું કે આ મહાકુંભના આયોજનથી હિન્દુત્વની રાજનીતિ મજબૂત થશે અને ભાજપને તેનો ફાયદો થશે.વિપક્ષના મોટા નેતાઓએ મહાકુંભમાં જવાનું ટાળ્યું, પરંતુ પ્રયાગરાજ અને નવી દિલ્હી રેલ્વે સ્ટેશન પર થયેલી ભાગદોડ પર આ બધા નેતાઓ એક થયા અને તેમણે મોદી સરકાર અને ઉત્તર પ્રદેશની યોગી આદિત્યનાથ સરકાર પર જોરદાર પ્રહારો કર્યા. આ બંને સ્થળોએ થયેલી નાસભાગમાં ઘણા લોકોએ જીવ ગુમાવ્યા હતા.વિપક્ષે કહ્યું કે કેન્દ્ર અને રાજ્ય સરકારોએ ભીડને નિયંત્રિત કરવા માટે નક્કર પગલાં લીધાં નથી.એટલે વિપક્ષ પાસે સરકારની ટીકા કરવાનો સમય છે,પરંતુ મહાકુંભમાં જવાનો સમય નથી.
મહાકુંભ મેળા દરમિયાન, વિપક્ષી નેતાઓના વિવાદાસ્પદ નિવેદનો અંગે ઘણી ચર્ચા થઈ હતી. મુખ્યમંત્રી મમતા બેનર્જીએ મહાકુંભ મેળામાં ગેરવહીવટ અંગે વિધાનસભામાં યોગી આદિત્યનાથ સરકાર પર પ્રહારો કર્યા અને આ કાર્યક્રમને ‘મૃત્યુંજય કુંભ’ ગણાવ્યો. વિવાદ પછી તેમણે કહ્યું કે તેમની ટિપ્પણી ઇવેન્ટમાં રહેલી ખામીઓ અંગે હતી.આ પહેલા ભાજપે કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે દ્વારા આપવામાં આવેલા એક નિવેદન પર પ્રહારો કર્યા હતા.ખડગેએ એક સભામાં કહ્યું, ‘શું ગંગામાં ડૂબકી લગાવવાથી ગરીબી દૂર થશે,શું તમને પેટ ભરવા માટે ખોરાક મળશે?’ આ દરમિયાન,બિહારના ભૂતપૂર્વ મુખ્યમંત્રી અને રાષ્ટ્રીય જનતા દળના વડા લાલુ પ્રસાદ યાદવે કુંભને ‘નકામું’ ગણાવ્યું.એ યાદ રાખવું જોઈએ કે તાજેતરમાં ભાગલપુરમાં એક જાહેર સભામાં, વડાપ્રધાન નરેન્દ્ર મોદીએ લાલુ પ્રસાદ યાદવનું નામ લીધા વિના તેમના પર પ્રહારો કર્યા હતા અને કહ્યું હતું કે રામ મંદિરથી નારાજ લોકો હવે મહાકુંભને શાપ આપી રહ્યા છે.
કોંગ્રેસના નેતાઓમાં,હિમાચલ પ્રદેશના મુખ્યમંત્રી સુખવિંદર સિંહ સુખુ,કર્ણાટકના નાયબ મુખ્યમંત્રી ડી.કે. શિવકુમાર,સચિન પાયલટ અને દિગ્વિજય સિંહ સહિત ઘણા કોંગ્રેસ નેતાઓએ સંગમમાં ડૂબકી લગાવી હતી.સપા પ્રમુખ અખિલેશ યાદવે પણ પ્રયાગરાજમાં સ્નાન કર્યું.કોંગ્રેસના નેતાઓએ કહ્યું કે ધર્મ અને આધ્યાત્મિકતા વ્યક્તિગત પસંદગીનો વિષય છે.ગયા વર્ષે રામ મંદિરના નિર્માણ દરમિયાન પાર્ટીએ આ જ વલણ અપનાવ્યું હતું.
મહાકુંભના આયોજન દરમિયાન,આ પ્રશ્ન ઉઠાવવામાં આવ્યો હતો કે વિપક્ષી નેતાઓ હિન્દુઓના આ સૌથી મોટા મેળાવડામાં કેમ જોડાતા નથી? પરંતુ વિપક્ષના મોટા નેતાઓએ અંત સુધી મહાકુંભથી અંતર જાળવી રાખ્યું. એવું પણ કહેવામાં આવ્યું હતું કે આ મહાકુંભના આયોજનથી હિન્દુત્વની રાજનીતિ મજબૂત થશે અને ભાજપને તેનો ફાયદો થશે.
આવી સ્થિતિમાં,પ્રશ્ન એ ઊભો થાય છે કે શું વિપક્ષી નેતાઓએ મહાકુંભમાં ન જઈને સ્વ-ગોલ કર્યો છે? શું આનાથી તેમને ભવિષ્યમાં કોઈ મોટું રાજકીય નુકસાન થશે?
