હેડલાઈન :

• વિશ્વભરની સેન્ટ્રલ બેંકોના નવેમ્બરમાં સોનાની ખરીદી
• વિશ્વની સેન્ટ્રલ બેંકોએ સામૂહિક રીતે 53 ટન સોનું ઉમેર્યું
• ભારતીય રિઝર્વ બેંકે પણ 8 ટન સોનાની ખરીદી કરી
• વર્ષ 2024 માં RBI એ લગભગ 73 ટન સોનું ખરીદ્યું
• વર્લ્ડ ગોલ્ડ કાઉન્સિલ WGC એ ડેટા જાહેર કર્યો
• RBI નો કુલ સોનાનો ભંડાર 876 ટન પર પહોંચી ગયો

રિઝર્વ બેંક ઓફ ઈન્ડિયાએ સોનાની ખરીદી ચાલુ યથાવત રાખી છે.વિશ્વભરની સેન્ટ્રલ બેંકોએ નવેમ્બર 2024માં તેમના અનામતમાં સામૂહિક રીતે 53 ટન સોનું ઉમેર્યું હતું,જેમાં RBI તરફથી આઠ ટન સોનું સામેલ હતું.ગયા વર્ષે, 2024 માં,RBI એ લગભગ 73 ટન સોનું ખરીદ્યું હતું…

આ આંકડો ચીન કરતા બમણો છે.વર્લ્ડ ગોલ્ડ કાઉન્સિલ (WGC) એ ડેટા જાહેર કર્યો છે કે વિશ્વભરની સેન્ટ્રલ બેંકોએ નવેમ્બર 2024માં તેમના અનામતમાં કુલ 53 ટન સોનું ઉમેર્યું છે.જેમાં RBI એ 8 ટન સોનું પણ સામેલ હતું.

રિપોર્ટ અનુસાર,વર્ષ 2024માં, વૈશ્વિક આર્થિક અનિશ્ચિતતાના વાતાવરણમાં સ્થિર અને સુરક્ષિત સંપત્તિની જરૂરિયાતને ધ્યાનમાં રાખીને મોટા ભાગના ઉભરતા બજારોની મધ્યસ્થ બેંકો સોનાના ખરીદદાર રહી.WGCએ તેના નવેમ્બરના અહેવાલમાં જણાવ્યું છે કે વર્ષ 2024 ના છેલ્લા તબક્કામાં વિશ્વભરની કેન્દ્રીય બેંકોએ સોનાની માંગમાં અગ્રણી ભૂમિકા ભજવવાનું ચાલુ રાખ્યું છે.સેન્ટ્રલ બેંકોએ નવેમ્બરમાં સામૂહિક રીતે તેમના સોનાના હોલ્ડિંગમાં 53 ટનનો વધારો કર્યો હતો.

 – RBI પાસે કેટલો ભંડાર ?
રિપોર્ટ અનુસાર, રિઝર્વ બેંક ઓફ ઈન્ડિયાએ નવેમ્બર મહિનામાં વર્ષ 2024માં સોનું ખરીદવાની પ્રક્રિયા ચાલુ રાખી હતી અને આ મહિને તેણે તેના ભંડારમાં વધુ આઠ ટન સોનું ઉમેર્યું હતું.આ સાથે, વર્ષ 2024માં RBI દ્વારા ખરીદવામાં આવેલા સોનાની કુલ રકમ વધીને 73 ટન થઈ ગઈ છે જ્યારે તેનો કુલ સોનાનો ભંડાર 876 ટન પર પહોંચી ગયો છે. 2024 માં સોનાની ખરીદીના સંદર્ભમાં પોલેન્ડની મધ્યસ્થ બેંક NBP પછી RBI બીજા ક્રમે છે. નેશનલ બેંક ઓફ પોલેન્ડ NBPએ નવેમ્બરમાં કુલ 21 ટન સોનું ખરીદ્યું હતું અને આ વર્ષે તેની ખરીદી વધીને 90 ટન થઈ ગઈ છે.

– ચીને કેટલું સોનું ખરીદ્યું
રિપોર્ટમાં કહેવામાં આવ્યું છે કે પીપલ્સ બેંક ઓફ ચાઈનાએ છ મહિનાના અંતરાલ બાદ સોનાની ખરીદી ફરી શરૂ કરી છે. તેણે નવેમ્બર મહિનામાં પાંચ ટન સોનું ખરીદ્યું હતું,આ વર્ષે તેની કુલ ખરીદી 34 ટન થઈ ગઈ છે. ચીનની મધ્યસ્થ બેંક પાસે કુલ 2,264 ટન સોનાનો ભંડાર છે.દરમિયાન,સિંગાપોરની મોનેટરી ઓથોરિટીએ નવેમ્બરમાં સોનાના વેચાણમાં આગેવાની લીધી હતી.તેણે આ મહિને પાંચ ટન સોનું વેચ્યું હતું,જેનાથી તેનો કુલ સોનાનો ભંડાર ઘટીને 223 ટન થયો હતો.

– સોનું ખરીદવાથી શું ફાયદો
RBI સહિત વિશ્વભરની સેન્ટ્રલ બેંકો આટલી ઝડપથી સોનું કેમ ખરીદી રહી છે? તેનું કારણ એ છે કે કોઈપણ ઈમરજન્સીમાં માત્ર સોનું જ અર્થતંત્રને સંભાળી શકે છે.જો કોઈ પણ દેશની કરન્સીમાં કોઈ સમસ્યા હોય અથવા તેના વિદેશી હૂંડિયામણ ભંડારમાં રાખવામાં આવેલ ચલણ કોઈ કારણસર ગેરકાયદેસર બની જાય,તો આવી સ્થિતિમાં સોનું એકમાત્ર એવી વસ્તુ છે જે અર્થતંત્રને મદદ કરી શકે છે.

SORCE : પંજાબ કેસરી