હેડલાઈન :
- અમેરિકા દેશ નિકાલ થયેલા વધુ ભારતીયોને પરત મોકલશે
- US આર્મીનું વિમાન રાત્રે 119 લોકોને લઈ અમૃતસરમાં કરશે ઉતરાણ
- પંજાબના CM ભગવંત માનના અમૃતસરમાં વિમાન ઉતરાણ પર સવાલ
- CM ભગવંત માન પોતે અમેરિકાથી પરત આવતા ભારતીયોનું સ્વાગત કરશે
- એક વિમાન આજે અને બીજું 16 ફેબ્રુઆરીએ આવશે ભગવંત માનનો દાવો
- કુલ 119 પૈકી પંજાબના 67 અને હરિયાણાના 33 લોકોનો થાય છે સમાવેશ
અમેરિકા આજે પણ અમેરિકામાં ગેરકાયદેસર રહેતા ભારતીયોને દેશનિકાલ કરશે.આજે રાત્રે લગભગ 10 વાગ્યે યુએસએ આર્મીનું વિમાન અમૃતસરમાં ઉતરશે.
અમેરિકા આજે પણ અમેરિકામાં ગેરકાયદેસર રહેતા ભારતીયોને દેશનિકાલ કરશે.આજે રાત્રે લગભગ 10 વાગ્યે યુએસએ આર્મીનું વિમાન અમૃતસરમાં ઉતરશે. આના પર રાજકારણ પણ તેજ થઈ ગયું છે,પંજાબના મુખ્યમંત્રી ભગવંત માને અમૃતસરમાં વિમાનના ઉતરાણ પર સવાલ ઉઠાવ્યા છે.
ભગવંત માન ઉપરાંત પંજાબના NRI બાબતોના મંત્રી કુલદીપ ધાલીવાલ અમૃતસર પહોંચ્યા છે.કેન્દ્રની ટીકા કરતા મુખ્યમંત્રી માનએ જાહેરાત કરી છે કે જો વિમાન અમૃતસર આવશે તો તેઓ પોતે અહીં આવતા લોકોનું સ્વાગત કરશે.પંજાબ સરકાર 5 ફેબ્રુઆરીએ ભારત પરત ફરેલા કેટલાક પંજાબીઓને અહીં મીડિયાનો સામનો કરાવશે. પંજાબ સરકારે અમેરિકાથી પરત ફરેલા પંજાબીઓના પુનર્વસનમાં મદદ કરી છે.
ભગવંત માનએ દાવો કર્યો છે કે એક વિમાન આજે આવી રહ્યું છે અને બીજું 16 ફેબ્રુઆરીએ.બિન-સરકારી સૂત્રોને ટાંકીને,પંજાબના મુખ્યમંત્રીએ કહ્યું કે આજે વિમાન દ્વારા 119 લોકોને લાવવામાં આવશે.આમાં પંજાબના 67 અને હરિયાણાના 33 લોકોનો સમાવેશ થાય છે.આ ઉપરાંત આઠ નાગરિકો ગુજરાતના,ત્રણ ઉત્તર પ્રદેશના, બે મહારાષ્ટ્ર,રાજસ્થાન અને ગોવાના અને એક-એક હિમાચલ પ્રદેશ અને જમ્મુ-કાશ્મીરના છે.બીજા વિમાનમાં 157 ભારતીયોને લાવવામાં આવ્યા હોવાના અહેવાલ છે.
સૌજન્ય : હિન્દુસ્તાન સમાચાર
